Zitat:
Zitat von gerd mager  Ich würd sagen stell mich doch auf die Probe aber wie ich versteh es ja eh nicht!hier in Sachsen gibt es keine Schwaben, ich hab auch noch nie einen so reden hören.Und wen hät ich nie gedacht das es ein Deutscher wäre.  |
...nun gut, wie Du meinst...
Samsdichs - bei de Kehrwoch
"Hallo, Herr Nachbar. Was isch denn mit ehne los?
Abber Karle, i hann de ja scho e Ewigkeit nemme g´seh!
Senn’er em Urlaub gwäh ?
Du siehsch ja soo gelb aus, wirsch doch gar au no krank sei?
Hasch dös von Eierem Urlaub mitbroacht?
I han doch glei zur Elfriede gsaggt g´het:
"Was wellet denn Ihr au in Südamerika bei de Indioaner!
Und woas do so viel Summpf un Schlange hoat!
Un was mer dauernd im Tifi sieht ibber die viele Eits-Grange in Rio unn in Kenia!
Schlimm, schlimm kann e do blos sage.
Wersch der doch net gar bei so oinere was g´holt habbe?"
"Abber so isch´s noa au widder, wenn ´s em Esel z´wohl wird,
noche fängt er uff sei alde Dag au no oa zu verreise.
Und d´s´Ländle isch scheinbar nemme gut g´nug!
Dabei habbe e emmer gmoint g´het, du hädsch Dei Mittleifkreisis
scho vor 7 Joar vollends bei unserm letzte Kegelausflug
"Ballermann alle Neune" mit der Sailers Carline ausdobt g´het!
Sag e mol, wo senn er denn do genau gwäh?
Isch dös glei hinder Teneriffa?"
"Moensch, hasch iebriggens geschdern oabend dös G´schrei bei denne g`hört ghet?
So, um de halber neine, woa er widder mit seim Balle hoamgkomme isch?
Do war Schdar Dreck 17 am Samsdich Oabend en Rentnerfilm dagege,
dös kann i der fei sage.
Un e Viertel Schdund später hat se de Topf mit de Kuddeln
un de Broatkardoffeln glatt zum Fenschder nausg´schmisse!
Dabei kenne die sich does doch garnet leischde,
die hen doch ´s letzte Kartoffeläckerle als Bauplatz verkauft!
Abber wahrscheinlich hat er scho widder oamoal wo andersch g´veschbert g´het.
Abber wenn e ehrlich bin, ii kann d´r Fritz verschdande,
so wie die Carline sich in de letzde baar Joar geh lesd! "
"Komm her Karle, jetzt sage d´r was.
Abber koasch au Dei Maul halte?
Brauchsch´s net glei ibberall rumzuverzehle, gell.
Vor ellem net Deinere Elfriede, schonsch weiss es morgen frieh sogar scho d´r Herr Pfarrer.
Also, wenn´s Maul halte koasch, no sage ´s der ganz im Vertraue:
I glaab, die Carline hoat en d´r Schdadt en Freind, so en ganz junge Schpund!
Un der wird erre ae Haufe Geld koschde. "
"Weil d`Hechelmeiere hatt mer gsagd,
daß se vorgeschdern Carline beim Metzger Häberle in d´r Seilersgass´ verwischd haeb,
wie se zwei Pfund Hundefutter g´kauft hätt!
Un dabei henn doch die no nie aen Hund ghett ghett!
D´r arm Fritz, sie kochd em´s Hundefudder
und verjuxt de Bulver mit dem junge Kerle.
Dö hatt mer d´Hechelmeiere scho vorvorletzschd Woch´ verzehlt,
daß se die beide gseh ghet hoat, wo er ihre de Buggel eigschmiert hat.
Unn dös am helle Samsdich middag am Endedeich im Schdadtpark! "
" Abber dös henn ihr ja garnet mitkriege kenne!
Ihr seit ja s´Baesle von Deinere Elfriede in Südamerika b´suche gwäh!
Verroat mer´s doch jetzt oamoal,
wie enn normale Arbeiter sich does finanziell unn ibberhaupt leiste koa?
I han zum Gustel g´sagt, entweder henn se g´erbt odder im Lotto g´wonne!
Weil dei Elfriede hatt mer´s nemme verroate kenne,
die war ja so uffg´regt und malad wege de viele Impferei vor Eierem Urlaub. "
"Ach, un bevor e es vergess´, wie war er denn ibberhaupt,
Euer Urlaub uff em Bauerhof in d´r Kolonie Germania ?
Hasch wenigschdens g´nug zum Esse kriegd?
Was mer do immer so em Fernseh´ sieht
und was se in meiner "Latrina" so immer jede Woch´ ibber die Länder schreibe!
Karle, fierchderlich, ganz fierchderlich, dös kann i der blos sage."
"Un Du siehsch au so schlecht aus, soo griiehn im G´sicht, vor ellem um d´Nas rum !
Kannsch mer´s ruhig verzehle, wie ´s gwäh isch.
Karle, komm´, mach scho noahre, I hann abber blos no ä Minud Zeit,
i sott scho seit ´r halbe Schdund beim Frisöhr sei!
Hasch me jetzt lang g´nug uffg´halte
unn mei Kehrwoch´ hanne au not net fertig g´macht.
Also, jetzd verzehl´s mer nommer, i verzehl au nix weider!
Du weisch doch, Karle, jetzt kenn´sch me doch scho seit fast fierzig Joahr,
i kann schweige wie ä Grab.
Hano, i werd´ me doch net austrage lasse !
Hano, wo dät ´r mer denn do au noagkomme! "
"Was, mein Guschdel hat g´rufe ghet?
Des hanne garnet g´hört ghet, erscht ´s zweite Mol.
Dem werde was verzehle, wenn i me ämoal 2 Minudde mit em Nachbar unterhalte du
unn er net oamal oimal d´Krummbiere selber uffstelle koa ! "
...viel Spaß ...
LG
Annie...die schon sehr gespannt ist...
AW: Wörter und Sprüche im Dialekt! 
